I tri frati

I tri Frati: na storia chi cuntava me nonnu, no sacciu cu cia dissi ne sa nvintò iddu.

Tri frati patteru pi caccia, dui orbi e unu non videva, cu tri fucili, dui senza riddi e unu senza canni, batteru un pezzu i mari e mazzaru tri cunigghia, dei quali unu no vistiru e l’autri sinnieru;

U frati ciù picciulu chi non era u chiu ranni

Giura chi visti un cunighiu chi curria chiu fotti di un lepri inseguitu di un piscicani.

Patteru pa casa   in fila indiana,  pi strata ci

 batteru a  na casa senza porta e senza cuverta, ci rispunniu cu non c’era e ci dissi:

– “chi vuliti?”

– “Ni sevvi na pignata pi ni manciari i cunigghia chi non vistimu.”

Cu non c’era ci dissi:

– “dà cinne dui una spunnata e l’autra senza funnu, quali vuliti vi pigghiati!”

U frati chiù ranni dissi:

–         “chinnama a fari cu chidda a spunnata, pigghiamuni chidda senza funnu.”

–         Si pighiaru du cuteddi senza  denti, tri fucchetti senza corna e ipiatti sena funnu.

Si incheru un cufinu di vinu e un panaru di acqua, si misiru o friscu sutta un pedi di pitrusinu, pigghiaru un mazzu di rami nto boscu di menta e si rusteru cu focu chi non c’era i cunigghia chi non vistunu. Manciaru e bippinu senza mi ni vistunu, poi patteru pa casa; mentre passavanu supra na saia cu l’acqua, u frati chiù picciulu, chi non era u chiù ranni,

Ci sciddicò u pedi darreri

si nfucoi na iamma fino o ginocchiu; curreru camminannu unni u dutturi e no truvaru; ciccaru o medicu era ncampagna, ieru da e truvaru u medicu chi zappava e u ditturu chi rimunnava e ci dissiru:
– “Nostru frati si nfucoi na iamma fino o ginocchiu”
U medicu u vaddò e u dutturu u visitò:

–         “Non è gravi”,

–         Si campa non mori, si non mori campa !

–         ci dissi, “ciata mettiri sonu di campani e rumuri di carrozza, pistati assemi nto murtaru di vitru, tri voti o ionnu

–         e si campa non mori, si non mori campa.”

– “Grazi dutturi”
– “Prego”, ci dissi u medicu.

–         “Vinni putiti iri, mittitivi i coppuli”

–          ci dissi u medicu
– “Coppulu nonnavemu!”

–         “Quannu vi cattati vi mittiti!”

 ci dissi u dutturi.