Nasciu “Stupor Mundi” lu primu tiggi ‘n lingua siciliana

La redazziuni “La Sicilia e li Siciliani” havi lu piaiciri di prisintarivi “Stupor Mundi” lu tiggi in lingua siciliana pi li siciliani di la Sicilia e di tuttu lu munnu. “Stupor Mundi” voli diffunniri la cultura siciliana e la sicilianita cuntannuvi li nutizi nazziunali e ‘ntirnazziunali pi menzu di la nostra lingua ‘n virsioni culta; un sicilianu littirariu ca nuddu parra ma chi tutti ponnu capiri distintu di li vari parrati dialettali lucali. La stissa lingua chi usarunu Veneziano, Meli, Martoglio, e chi veni usata di li pueti cutempurani e di la Wikipedia siciliana. Dda lingua figgia di lu primu vulgari dignu di essiri chiamatu lingua usatu a la curti di Federicu II (secunnu), dittu lu “Stupor Mundi”, la maraviggia di lu munnu. Tuti li puntati di lu tiggi li putiti truvari macari nni lu canali youtube www.youtube.com\stupor Mundichannel, ni lu situ www.stupormundichannel.it e videmma na lu nostru situ www.linguasiciliana.org na vota a la simana, lu venniri