Studi siciliani: lu discursu pi na cattrida univirsitaria

E` lu Sicilianu nsignatu a liveddu di unversita`?  Anzi, putemu dumannari, e` lu Sicilianu nsignatu nta qualchi postu?

Secunnu diversi amici chi annu pusizioni accademici, la risposta e` NO. Ripetu chiddu chi dissi unu ca e` Sicilianu-Amiricanu ma chi nasciu in Sicilia.

Nta Sicilia uoggi sulu qualchi pueta scrivi in Sicilianu. Lu maggiuranza di li Siciliani, spiciali la nova ginirazioni, nu parranu o nun sannu parrari u dialettu picchi giniralmenti parranu un Italianu Rigiunali, eccettu in famigghia o cu li so amici Siciliani… U Sicilianu, pi quantu nji sacciu iu, nun e` nsignatu nta nuddu postu, mancu a Palermu o a Catania. E pi quantu nni sacciu iu nun e` mancu nsignatu nta li Stati Uniti.

Iu sugnu un lauriatu di l’Universita` di Michigan e in Austu 2001 ricivivi lu bullittinu chi stampanu dda` unni annunziavanu la furmazioni di na cattidra di Grecu Mudernu, in parti finanziata di l’Universita`, in parti finanziata di la Fundazioni pi li Studi di Grcu Mudernu.  La cattidra fu numinata in onuri di lu pueta Custantinu Cavafy.  Certamenti la comunita` Grco-Amiricana apprezza tantu la so lingua e la so riputazioni finu a lu puntu di arricogghiri sordi pi furmari na cattidra pi la prisirvazioni e la prumozioni di lu Grecu Mudernu.

Si avissi accittari comu datu chi la lingua Siciliana e` na lingua indipindenti e pi dirittu.  Nun e` un dialettu di l’Italianu.  Iu parrai assai di chistu nta lu me libru, Introduction to Sicilian Grammar.  Siccomu a Sicilia avi la so storia ed e` na lingua di dirittu, avissi a riciviri lu stissu ricunuscimentu di qualunqui avutra lingua Rumanza chi avi la so storia e li trdizioni so propri.  Fussi troppu diri chi lu Sicilianu e` accussi mpurtanti comu l’Italianu nta lu munnu d’affari e di rilazioni ntirnaziunali. Ma puru, avissi a ristari comu un mezzu mpurtanti pi la supravvivenza di lu patrimoniu culturali Sicilianu. Dunqui, parissi apprupriatu dumannari:  Comu megghiu po essiri raggiuntu stu scopu?

Iu veramenti criu chi pi promoviri e prisirvari la lingua Siciliana, La cumunita` Suculu-Amirican, avissi a cupiari la cumunita` Grecu-Amiricana e furmari na cattidra di Studi Siciliani.  Pi chistu ci vulissi tra i Siculu-Amiricani n’organizzazioni chi ntavulassi na discussioni tra cchiu` di na universita` chi putissi essiri vulintirusa a finanziari parzialmenti un studiu simili.

Li Studi Siciliani avissiru a cuntiniri diversi attivita`.   E chisti fussiru:

Prumoviri l’usu di la lingua Siciliana

Stabiliri reguli ortugrafichi fermi pi sillabbari la lingua , mentri  per ora ci sunnu tanti diffirenti modi di sillabbari.

Arricogghiri tutta la littiratura esistenti e fari classi in sicilianu.

Incuraggiari l’usu littirariu di lu Sicilianu.

Stabiliri un parauni chiaru tra i vari dialetti Siciliani

Misurari finu a chi puntu lu Sicilianu e` usatu e promoviri lu so usu.

Stabiliri ligami cu li Siciliani di la Sicilia pi ncuraggiari dda` un usu cchiu` apertu di lu Sicilianu.

Arricogghiri e sarvari stori e cunta, cuntati di l’anziani o di qualunqui pirsuna prima chi stu matiriali scumparisci

Studiari la storia di la Sicilia e li so forzi sociueconomichi chhiu` forti pi dari n’insegnamentu chiaru di li circustanzi storichi di la Sicilia.

Spero chi stu pocu di discussioni po` spinciri li Siculu-Amiricani a pinsaricci supra e agiri in modu di mustrari ca nu vonnu vidiri la scumparsa di la so lingua.

(Traduzioni di Lu Sicilianu)