Chabuca…Cunti e Canti: La campagna

La terra era per le comunità rurali fonte di vita. Possederla significava raggiungere il benessere, allontanare lo spettro della fame, acquisire una rispettabilità tanto più vasta quanto più vasta era l’estensione della terra che si possedeva.

La terra bisognava lavorarla, dissodarla, i suoi frutti raccolti e conservati. Necessitavano molti attrezzi “strigli”, ed ancora occorreva difendere i prodotti della terra dai ladri e dagli agenti atmosferici che li avrebbero potuto far marcire.

La rotazione agraria

 

‘Nta la terra chi era suddata

a li primi acquii si sciaccava

un misi doppu si rifunnia,

a nommiru, si era pulita, si siminava,

si era lorda si stimpuniava,

nascia lu siminatu e si zappuliava,

si scurria chi era ancora ‘ntiniri,

si mitia, s’infasciava cu croccu e ancinu,

la gregna s’infasciava cu la liama di ddisa,

s’accavaddunciava a sei a sei

e tuttu chissà si eranu ruscelli.

Li tumminii si siminavanu cchiù tardu

Supra li ristucci di russellu

Si lavuravanu a dicemmiru

Pi siminalli a frivaru.

 

La pisata

 

Acchiana e scinni chi l’ancilu vinni

Scinni a pacchiana chi la mula baciana.

Pacchiana e scinni e torna ancora,

e chi te dari ‘na bona nova

e chi nova e chista

e veni lu ventu e t’arrifrisca

e lu ventu e lu straventu

e viva lu santissimu Sacramentu.

Attia mula di battaglia

acchiana e scinni

chi la m’affari paglia

 dopu qualche tempo che gli animali girano nell’aia si cambia il senso di rotazione

 

a la banna!

Arroventa e piglia sciatu

E viva Diu sacramintatu;

arroventa sta spadduzza

arroventa e cogli sciatu

e viva Diu chi t’ha criatu.

 

La vendemmia

 

Alligramenti si fa la vinnigna

L’omu travaglia allegru e nun si lagna

Forza e saluti avi di la vigna

Cchiù travaglia, cchiassai guadagna.

L’omu valenti nun s’indigna

Travaglia allegru, contenti cu la magna.

Cu cerca trova, cu voli s’insigna

Cu sapi travagliari, assai guadagna.

 

– Si vò manciari ficu, a stari sutta la picara.

– li cosi di la campagna, su di cu li cogli.

– Marzu , ogni truffa eni jazzu.

– Cu simina cu li causi di peddi, si lu meti cu li causi di tila.

– Cu nun simina ne moddu e duru, veni l’istati e si tocca lu culu.

– Guardati vigna chi veni Vicenzu.

– Cu zappa, zappa la so vigna.