U puglisi è un dialettu dû sicilianu?

Your ads will be inserted here by

Easy AdSense.

Please go to the plugin admin page to
Paste your ad code OR
Suppress this ad slot.

U pugghisi miridionali, ca si chiama salintinu, è unu dialettu sicilianu, tantu quantu lu è ‘u missinisi, e ‘nfatti s’assimigghianu. Sta simigghianza veni di lu fattu ca ‘nta tutti e dui ‘sti zoni si parrava lu grecu finu allu millicincucentu armenu, e lu grecu chianu chianu murennu venni sostituitu c’u sicilianu.


Lu stessu vali pi lu calavrisi miridionali, ca finu allu millicincucentu fu grecu, e dopu divinni sicilianu. Chistu e duvutu allu mumentu storicu, quannu lu Regnu di li Normanni si fici ranni e s’annettiu tutta la parti cuntinentali di lu miridioni di ‘Talia. I Normanni, ca funnu viniditti di lu Papa ‘nta so cunquista, si ficiru cattolici, e giurranu di fari cattolicu tuttu lu Regnu, partennu cu la Sicilia, a chiddu tempu musulmana, e ‘rrivannu alla Calavria e allu Salentu, ca eranu bizantini quinni grecu-ortodossi, e di lingua greca puru. L’unica riliggiuni ufficiali di lu Regnu Normannu fu chidda cattolica, e lu grecu riliggiusu usatu ‘nta li funzioni riliggiusi grecu-ortodossi, venni proibbitu. Accussì cominciau a so discisa, chianu chianu, da lu millicentu finu ad oji, ca veni parratu solu ‘nta cincu paisi di la pruvincia di Riggiu Calabria, e novi paisi di la pruvincia di Licci. Puru a Calavria cintrali (di unni vegnu iu) fu ‘nparti armenu, greca, e si fici ‘nparti siciliana. ‘Nfatti puru lu calavrisi cintrali è unu dialettu sicilianu, puru si ha assaji carattiristichi cumuni ch’i lingui napulitani. (Comu puru lu salintinu, d’u restu!).

Tu dimmannasti picchì veninu pigghiati li lingui di lu sud comu siciliani o comu napulitani, e basta, senza teniri ‘ncontu ‘u fattu ca ogniddunu d’i ‘sti lingui poli essiri ‘nnipennenti. ‘U fattu è ca ci sunnu caratteristichi cumuni, ca finu di la prima classificazziuni fatta di lu linguista Graziadio Isaia Ascoli ‘nta l’ottucentu li ficiru accucchiari li lingui ‘nta gruppi di fammigghi ‘mparentati. Accussì lu sud venni spartutu tra lingui “siciliani” e lingui “napulitani”. Forsi chista divisioni veni di li ‘nflussi ca venniru di ‘sti dui parrati ca sunnu li chiù ‘mpurtanti, chiddi ca truvaunu sempri una ranni diffusioni puru supra li libbra e ‘nta li corti nobbili. E si tu taliji poli vidiri ca chista divisioni ‘nta dui gruppi nun è fauza. Forsi li unici dui lingui ca anu una certu autonomia, ca si distinguinu di l’autri pi la so particularità, sunnu l’abbruzzisi cintrali, e lu lucanu miridionali (lu lucanu è la lingua di la riggiuni Basilicata, puru ‘ntalianu si chiama accussì). Tu t’addimanni picchì certi pigghianu li lingui napulitani comu si fossiru dialetti di lu ‘talianu, e certi puru ‘u sicilianu di certi arii (comu ‘u salintinu/pugghisi miridionali); e chista è quistioni d’ignuranza. Penzari ca ‘u sicilianu cu li so figghi calavrisi e salintinu, è lingua e lu napulitanu cu i so frati pugghisi (settentrionali), abbruzzisi, molisanu, lucanu e campanu perifericu, sunnu dialetti di lu ‘talianu e ‘na minchiata, ccu rispettu parrannu. Fussi comu diri ca lu ‘ngrisi di li Stati Uniti è lingua, e chiddu di lu Canada è dialettu, nun ha sensu.

L’ultima cosa ca tu scrivisti è la chiù ‘ntirissanti. Lu sicilianu (sempri iu ci mentu all’intra calvrisi e salintinu) nun è pigghiatu comu lingua rumanza miridionali, quannu ‘u sardu e lu corsu sì, puru si sunnu tutti e dui l’isuli tirrenichi chiù a nord di la Sicilia. Avi sapiri ca pi chista divisioni di lu munnu neolatinu (o romanzu) nun c’intra nenti la geografia, è tutta una quistioni linguistica, picchì propiu unu linguista la fici ‘nta la metà di lu seculu scorsu. Chistu linguista tedescu, H. Lausberg, fu assaji ‘mpurtanti. Studiau ccu autri studiusi sempri di la germania, ccu tanta attenziuni li lingui romanzi e ni cacciau dopu tantu tempu una divisioni ‘mpurtantissima, ca veni oji mantinuta comu ‘ssinziali pi lu studiu di li lingui neolatini. Chista divisioni dici ca:

Your ads will be inserted here by

Easy AdSense.

Please go to the plugin admin page to
Paste your ad code OR
Suppress this ad slot.

-Tutti li lingui ca sunnu ‘nta penisula iberica (spagnolu, catalanu, portughisi, gallegu) ‘nta li territori ultra l’Alpi, comu ‘nFrancia e ‘nBelgio (francisi, occitanu, francu-provinzali, valluni) finu all’Appenninu toscu-emilianu, supra una linea ca va di La Spezia (supra lu mari Tirrenu) a Rimini (supra lu mari Adriaticu) ma pi autri da Massa (supra lu mari Tirrenu) a Sinigallia (supra lu mari Adriaticu) -(quinni li lingui di lu nord ‘Talia, cioè li lingui padani o cisalpini, e li lingui reto-romanzi, cioè lu friulanu, lu ladinu dolomiticu e lu reto-romanciu di li Grigioni, ‘nta Svizzira)- sunnu parti di unu suttasistema linguisticu ca si chiama Romanzu Occidentali, o Celtoromanzu e vidi la so formazioni e la so unioni di li Celti o Galli ca venniru rumanizzati e accomincianu a parrari lingui simili tra iddi.

-Tutti li lingui ca sunnu ‘nta l’isule tirreniche (corsu e sardu) e ca ci funu ‘nta l’Affrica sittintrionali (e ca sparianu ccu l’invasioni araba) sunnu parti di un’autru suttasistema ca è chiamatu Romanzu Miridionali; miridionali propiu picchì tra li lingui di la Sardigna e la Corsica e chiddi di l’Africa ci fu una parintela. Oji li lingui neolatini di l’Africa sunnu scumparsi, assurbuti di l’invasioni araba prima di l’annu milli. Puru ‘u corsu nun è chiù una lingua rumanza miridionali, ‘nta tutti li anni di colonizzazioni di li pisani, s’ha avvicinatu assaji allu tuscanu, e oji è taliatu comu lu linguaggiu chiù simili allu ‘talianu ‘nassolutu, puru si va dittu ca chistu è verissimu pi li dialetti corsi cismuntani (‘nta lu nord-est di l’isula), di menu pi chiddi ultramuntani (‘nta lu sud-ovest) ca jennu di li chiù sittintrionali a chiddi chiù miridionali si fanu chianu chianu sempri chiù simili allu sardu di lu nord. Puru pi lu sardu è ‘nu beddu ‘nguacciu, picchì lu sardu è divisu ‘ndui varietà una sittintrionali ditta sassarisi-gaddurisi, e una cintru-miridionali ditta logudorisi-campidanisi. La sicunna è chidda sarda chiù schetta, la prima è assaji simili allu corsu (suprattuttu lu gaddurisi) tantu chi certi dicinu ca nun è sardu ma chiuttostu corsu, e si accussì fussi puru ‘u sardu sittintrionali nun fussi Romanzu miridionali ma Romanzu orientali. Un’ultima cosa ca va ditta è ca la parintela tra li lingui corsa-sarda e chiddi ca funu parrati ‘nta l’Africa sittintrionali veni di li antichi populazziuni punichi, chiddi chi funnaunu Cartagini, e chi vivianu ‘nta una bona parti di li costi mediterranii (‘nta l’Andalusia, ‘nta l’Africa sittintriunali, ‘nta Sardigna e la Corsica, ‘nta Sicilia occidentali puru, ‘nta costa di l’antichi fenici, ca sunnu li so proggenituri), e ‘nfatti iu chistu gruppu lu chiamu Punicoromanzu.

-Tutti li lingui ca sunnu ‘nta penisula ‘taliana e supra ‘a Sicilia, e comu specatu supra puru ‘nCorsica (tuscanu, lazziali-ummru-marchiggianu, lingui napulitani, lingui siciliani, corsu mudernu) e li lingui neolatini di la penisula balcanica (rumeno e dalmaticu ca è estintu). Tutti i lingui di chistu suttasistema sunnu chiddi di lu Romanzu Orientali, e ca nasciru di la fusioni di tanti populi diversi tra iddi. ‘Nta penisula Balcanica pi esempio l’unica lingua neolatina ca è rimasta è lu rumenu, lingua parrata ‘nta Romania, e veni di la fusioni di li populazioni dachi, ca comu li traci, li macedoni antichi, l’epiroti antichi, li dalmati, li dinari, ca eranu tutti illirici, cioè li proggenituri di li muderni arbanisi, ca sunnu l’unici illirici rimasti dopu l’invasioni slava; ci fu puru lu dalmaticu, ca venia parratu supra li costi di la Dalmazia, ca fu suttupostu adda pressioni d’i veneziani ‘i unu pizzu, e d’i slavi di l’autru, e ca scumpariu completamenti ‘ntu milliottucentu. Lu rumenu è divisu puru ‘nta quattru lingui a sicunnu di la zona unni veni parratu, e fora di la Romania è parratu ‘nta ‘na munta ‘i paiseddi sparpagghiati tra ‘a Grecia, l’Arbania, ‘a Macedonia (FYROM), l’Ucraina, finu ‘nCroazzia. E pui ci sunnu li lingui di la penisula ‘taliana, di la Sicilia e di la Corsica muderna. Di lu corsu amu già parratu. ‘Nta penisula è tuttu miscatu, lu tuscanu veni di l’etruschi, li autri lingui, chiddi siciliani, chiddi napulitani, e chiddi lazziali-ummri-marchiggiani, di li vari populi ca vivianu ‘nchiddi arii prima ca c’arrivanu li rumani. Chisti populi o eranu o si su ‘mparentati tra iddi, divenniru italici.

Addura iu parru di chisti lingui comu di parti di lu sistema Italo-Balcanoromanzu.

Chista è la divisioni ca fici H. Lausberg e ca veni cunsiderata essenziali pi capiri lu munnu neolatinu. Ora forsi poi capiri puru tu picchì ‘u sicilianu nun è romanzu miridionali!

1 Cummintari pi “U puglisi è un dialettu dû sicilianu?”

  1. Sikelos

    Milliccincucentu? E la Scola Siciliana di Fidiricu, dò 1230?
    Penzu ca ci vòlunu studiati supra a lu Sicilianu, picchì non si capisci bonu comu po jessiri tantu uniformi nti li parrati na lingua ca nun hà statu mai, a vidiri, appidaveru ufficiali.

Pi cummintari ha trasiri Trasi

Login

Sundaggiu

Liggi Rigiunali Lingua siciliana. Chi ni pensi?

Talia risultati

Loading ... Loading ...

Tag

bibliografia pi lu studiu du sicilianu Select Section Briscula 'n-cincu Carta Europea delle lingue regionali e minoritarie sicilia Corso di lingua e letteratura sicilianaCORSO di LINGUA e LETTERATURA SICILIANA Coordinato da Salvatore Di Marco Il dialetto siciliano fra le lingue dei popoli. conferenze tematiche. 1 - LINGUA E DIALE cultura popolare siciliana Cunta un cuntu detti siciliani dialetto Diffirenzi principali ntra i parrati siciliani: Varii diffirenzi fonuloggichi ibridismo e tautologia ibrida nel siciliano IL PROGETTO ABRACADABRA PER LA DIFFUSIONE DELLE LINGUE NON DOMINANTI NELLA SCUOLA Il Siciliano: Dialetto o lingua?lingua La lingua siciliana attraversu li seculi leggi per la tutela del siciliano Libbra in sicilianu Lingua madre Lingua Siciliana lingua siciliana propria Lingua Siciliana Unificata (LSU) linguistica NAT SCAMMACCA nel siciliano di Marco Scalabrino nuovo gruzzoletto di voci arabo - sicule Nutizii odissea traduzione in siciliano old french medeme in sicilian Per lo studio del siciliano e...chi vò cchiù? POEMS proverbi siciliani proverbs PUISII Select Category Select Section sicilia Sicilian language: an overview siciliano Si vutassi pi mia...inchiesta supra a pulitica linguistica in Siciliapolituca Siziuni Culturali Studi siciliani: lu discursu pi na cattrida univirsitaria teatro siciliano Tiatru i tradizioni culturali Tu i u sicilianu Ultimi nutizii Un cumpenniu di ortugrafia siciliana Compendio di lingua siciliano Universal declaration of linguistic rights

Galleria fotografica

Accedi |